20 ܝܠ̈ܘܦܐ ܐܬܛܝܒܘ ܗ̱ܘܘ ܒܕܘܪܐ ܩܝܛܝܐ ܕܐܫܬܩܕܝ ܗ̇ܢܐ ܕܐܓܪ ܗ̱ܘܐ ܝܪܚܐ ܘܦܶܠܓܐ ܒܬܚܪܙܬܐ ܚܕܐ ܠܒܝܕܬܐ ܘܐܪܝܟܬܐ. ܝܠ̈ܘܦܐ ܕܐܬܘ ܗ̱ܘܘ ܡ̣ܢ ܐܤܛܢܒܘܠ ܘܐܘܪܝܦܝ ܥܡ ܠܫܢܐ ܣܘܪܝܝܐ ܐܫܬܘܫܛܘ ܐܦ ܒܛܟܣ̈ܝܬܐ ܘܡܘܣܝܩܝ ܥܕܬܢܝܬܐ. ܥܘܗܕ̈ܢܐ ܛܒ̈ܐ ܫܒ̣ܩ ܗ̱ܘܐ ܠܗܘܢ ܟܪܘܟܝܐ ܕܥܒ̣ܕܘ ܗ̱ܘܘ ܠܫܪܟܐ ܕܕܝܪ̈ܬܐ ܕܛܘܪܥܒܕܝܢ. ܢܝܫܐ ܕܕܘܪܐ ܗܢܐ ܩܝܛܝܐ ܕܥܳܒܕܐ ܠܗ ܚܣܝܘܬܢ ܕܡܪܕܐ ܘܐܡܝܕ ܠܝܬܘܗܝ ܐܠܐ ܐܢ ܡܠܦܢܘܬ ܡܫܠܡܢܘ̣ܬܐ ܥܕܬܢܝܬܐ ܠܥܠܝ̈ܡܐ ܕܨܳܒܝܢ ܠܡܐܠܦ܆ ܕܥܣܩܘܬܐ ܐܝܬ ܗܘ̣ ܒܝܘ̣ܒܠܐ ܕܡܫܠܡܢܘ̣ܬܐ ܥܕܬܢܝܬܐ ܘܝܪܬܘܬܐ ܐܒܗܝܬܐ ܠܥܠܝ̈ܡܐ ܕܚܐܝܢ ܒܓ̈ܠ̱ܠܐ ܙܩܝܼ̈ܦܐ ܕܓܠܘܬܐ.

   ܛܟܣܐ ܕܩܘܪܒܐ ܐܠܗܝܐ ܘܫܪܟܐ ܕܩ̈ܠܐ ܥܕ̈ܬܢܝܐ ܕܘܪܐ ܐܠܨܝܐ ܡܫܬܥܝܢ ܒܐܡܝܢܘ̣ܬܐ ܕܡܫܠܡܢܘ̣ܬܢ ܥܕܬܢܝܬܐ. ܥܠܗܕܐ ܥܠܝ̈ܡܐ ܕܝܠܢ ܟܠ ܟܪ ܕܫܟܝ̣ܚܝ̣ܢ ܙܕܩ ܕܢܐܨܦܘܢ ܠܡܐܠܦ ܗ̇ܠܝܢ. ܘܗܟܢܐ ܡܥܕܪ̈ܢܐ ܗ݀ܘܝܢ ܠܚܝ̈ܐ ܕܝܠܗܘܢ ܪ̈ܘܚܢܝܐ ܘܟܢܘܼ̈ܫܝܝܐ. ܘܐܦ ܫܓܪܝܢ ܕܡܐ ܒܫܪ̈ܝܢܐ ܕܡܫܠܡܢܘܬܢ ܥܕܬܢܝܬܐ. ܒܗ̇ܢܐ ܢܝ̣ܫܐ ܚܣܝܘܬܢ ܡܘܕܥܐ ܕܠܡ ܕܝܪܐ ܕܟܘܪܟܡܐ ܡܙܡܢܐ ܘܩܪܝܐ ܘܡܛܝܒܐ ܠܥܘܦܩܐ ܕܥܠܝ̈ܡܐ ܕܨܳܒܝܢ ܠܡܐܠܦ ܡܫܠܡܢܘܬܗܘܢ ܐܒܗܝܬܐ ܘܥܕܬܢܝܬܐ ܘܠܫܢܐ ܣܘܪܝܝܐ.

ܢܝܫܐ ܕܕܘܪܐ

   ܢܝܫܐ ܡܪܢܝܐ ܡܠܦܢܘܬ ܒܝܬ ܓܙܐ ܘܩ̈ܠܐ ܘܛܟܣ̈ܝܬܐ ܕܥܕܬܐ ܥܡ ܝܘܠܦܢܐ ܡܫܝܚܝܐ. ܘܗ̇ܘ ܕܡܬܛܝܒ ܒܕܘܪܐ ܗܢܐ ܠܘ ܒܠܚܘܕ ܡܘܣܦ ܝܕܥܬܗ ܐܠܐ ܐܦ ܡܫܬܘܫܛ ܒܗ̇ܠܝܢ ܕܡܪܕܘܬܐ ܘܫܦܝܪܘܬ ܙܢܝ̈ܐ ܕܬܪܒܝܬܐ ܡܫܝ̣ܚܳܝܬܐ. ܕܝܪ̈ܝܐ ܕܟܘܪܟܡܐ ܥܡ ܓܘܫܡܐ ܡܠܦܢܝܐ ܒܬܚܪܙܬܐ ܠܒܝܕܬܐ ܡܥܕܪ̈ܢܐ ܗ݀ܘܝܢ ܠܝܠ̈ܘܦܐ ܕܡܬܛܝܒܝܢ ܒܕܘܪܐ ܗܢܐ.

ܙܢܐ ܘܐܘܪܚܐ ܕܡܠܦܢܘܬܐ

   ܥܡ ܙܢܐ ܘܐܘܪܚܐ ܕܡܠܦܢܘܬܐ ܥܬܝܩܬܐ ܕܕܪܝ̣ܫܐ܆ ܐܦ ܚܕ̈ܬܬܐ ܬܩܢܘܠܘܓܝ̈ܩܝܬܐ ܕܐܝܟ ܕܘ̈ܩܐ ܙܪ̈ܝ̣ܒܐ ((CD ܡܕܥܐ ܐܠܩܛܪܘܢܝܩܝܐ ((Computer ܡܫܬܚܪܝ̣ܢ ܠܬܫܡܫܬܐ ܕܡܠܦܢܘܬܐ. ܘܝܠܘܦܐ ܣܘܥܪܢܐܝܬ ܚܳܝܐ ܗ̇ܘ ܡܐ ܕܝ݀ܠܦ ܒܛܟܣܐ ܕܨܠܘ̈ܬܐ ܕܡܬܬܩܝ̣ܡ ܒܕܝܪܐ ܨܦܪܐ ܘܛܗܪܐ ܘܪܡܫܐ. ܘܒܩܘܪ̈ܒܐ ܐܠܗ̈ܝܐ ܕܝܘܡ ܚܕ ܒܫܒܐ ܘܝܘܡ ܐܪܒܥܐ ܘܥܪܘܒܬܐ. ܘܒܬܚܪܙܬܐ ܐܝܬ ܗ̱ܘ ܬܪܝܢ ܝܘ̈ܡܝܢ ܟܪܘܟܝܐ ܠܕܝܪܐ ܕܡܪܝ ܓܒܪܐܝܠ ܘܡܪܝ ܝܥܩܘܒ ܘܡܪܝ ܡܠܟܐ ܘܝܠܕܬ ܐܠܗܐ ܕܚܐܚ. ܘܒܝܕ ܗ̇ܕܐ ܝܠ̈ܘܦܐ ܡܫܬܘܬܦܝܢ ܐܦ ܠܚܝ̈ܐ ܪ̈ܘܚܢܝܐ ܕܫܪܟܐ ܕܕܝܪ̈ܬܢ. ܘܐܦ ܚܳܙܝܢ ܘܡܫܬܘܕܥܝܢ ܕܝܪ̈ܬܐ ܗ̇ܠܝܢ ܡ̣ܢ ܩܘܪܒܐ.

ܩܨ̈ܨܐ ܕܡܬܛܝܒܢܘܬܐ ܒܕܘܪܐ ܗܢܐ

ـ ܕܢܗܘܐ ܝܠܘܦܐ ܪܒ ܡ̣ܢ 15 ܫܢ̈ܝܐ.

ـ ܕܢܗܘܐ ܡܪܐ ܨܒܝܢܐ ܠܡܐܠܦ ܨܠܘ̈ܬܐ ܘܩ̈ܠܐ ܘܩܝ̈ܢܬܐ ܘܛܟܣ̈ܝܬܐ.

ـ ܕܢܗܘܐ ܡܫܬܡܥܢܐ ܠܩܢܘ̈ܢܐ ܘܚܝ̈ܐ ܕܪ̈ܝܫܐ ܕܒܕܝܪܐ.

ـ ܕܢܗܘܐ ܐܝܟ ܕܒܒܨܝܪ ܒܕܪܓܐ ܕܩܪܘܝܐ.

ـ ܕܢܗܘܐ ܝ݀ܕܥ ܠܫܢܐ ܣܘܪܝܝܐ ܒܫܘܝܘ̣ܬܐ ܕܛܟܣܐ ܕܩܘܪܒܐ.

ـ ܕܢܗܘܐ ܢܣܝ̣ܒ ܠܗ ܐܓܪܬܐ ܕܣܗܕܘܬܐ ܡ̣ܢ ܟܗܢܐ ܕܥܕܬܗ

 (ܐܢ ܠܝܬ ܟܗܢܐ ܒܕܘܟܬܐ ܕܚ݀ܝܐ ܡ̣ܢ ܟܗܢܐ ܕܩܪܝܒ ܠܗ).

ܩܪܘܒܝܐ

   20 ܝܠ̈ܘܦܐ ܡܬܩܒܠܝ̣ܢ ܠܕܘܪܐ ܗܢܐ ܕܡܬܥܒܕ ܒܫܢ̱ܬܐ ܗ̇ܕܐ ܕܫܢܬ 2007. ܗ̇ܘ ܕܒ݀ܥܐ ܕܢܬܛܝܒ ܡܨܝܐ ܕܢܥܒܕ ܐܣܪ̈ܐ ܥܡ
ܪܒܢ ܐܤܛܦܢ ܦܝܕܢ. ܘܐܣܪ̈ܐ ܗ̇ܠܝܢ ܡܨܝܐ ܕܢܗܘܘܢ ܒܬܠܝܦܘܢ، ܒܐܓܪܬܐ، ܒܦܰܟܣ ܐܘ ܒܢܰܘܠܐ ܐܡܘܬܝܐ.

   ܗ̇ܘ ܕܟܳܬܒ ܐܓܪܬܐ ܙܳܕܩ ܕܢܘܕܥ ܢܦܫܗ ܛܒܐܝܬ. ܕܠܐ ܢܛܥܐ ܗ̇ܝ ܕܢܕܟܪ ܫܢ̈ܝ ܚܝܘ̈ܗܝ ܘܫܘܝܘܬ ܝܘܠܦܢܗ ܘܠܫܢܗ ܣܘܪܝܝܐ ܘܕܪܓܗ ܥܕܬܢܝܐ. ܘܐܓܪܬܐ ܕܣܗܕܘ̣ܬܐ ܕܡܬܢܣܒܐ ܡ̣ܢ ܟܗܢܐ ܙܕܩܝܬܐ ܗ̱ܝ. ܘܡ̣ܢ ܟܠܦܪܘܣ ܙܕܩ ܕܬܡܛܐ ܒܙܢܐ ܡܕܡ ܠܡܕܒܪܢܘܬܐ ܕܕܝܪܐ. ܕܝܠܘܦܐ ܓܝܪ ܕܠܐ ܡܫܕܪ ܐܓܪܬܐ ܕܣܗܕܘܬܐ ܠܐ ܡܬܩܒܠ ܒܕܘܪܐ. ܩܪܘܒܝܐ ܐ̱ܚܪܝܐ ܫ݀ܠܡ 31 ܚܙܝܪܢ 2007.

   ܝܠ̈ܘܦܐ ܡܬܩܒܠܝ̣ܢ ܠܦܘܬ ܣܕܪܐ ܕܩܪܘܒܝܐ ܘܠܦܘܬ ܛܘ̣ܝܳܡܐ ܕܕܝ̈ܠܝܬܐ ܡܬܒܥܝ̈ܢܝܬܐ. ܒܬܠܝܦܘܢ ܐܘ ܒܐܓܪܬܐ ܡܬܬܘܕܥܐ ܐܝܟܢܝܘܬܐ ܠܝܠ̈ܘܦܐ ܗ̇ܢܘܢ ܕܡܫܬܪܪܐ ܡܬܩܒܠܢܘܬܗܘܢ.

ܣܝܩܘܡ ܕܘܪܐ ܘܡܬܚܐ ܕܝܠܗ

   ܕܘܪܐ ܗ̇ܢܐ ܗ݀ܘܐ 6 ܫܒܘ̈ܥܐ. ܡܫܪܐ ܝܘܡ ܬܪܝܢ ܫܬܥܣܪ ܒܚܙܝܪܢ 2007 ܥܕܡܐ ܠܚܪܬܗ ܕܐܒ ܝܪܚܐ. ܝܠ̈ܘܦܐ ܕܡܬܛܝܒܝܢ ܐܘ ܡܫܬܘܬܦܝ̣ܢ ܙܕܩ ܕܢܡܛܘܢ ܠܕܝܪܐ ܕܟܘܪܟܡܐ ܩܕܡ ܝܘܡ ܫܒܬܐ ܐܪܒܥܣܪ ܬܡܘܙ 2007 ܡ̄.

  ܩܠܝܬܐ  ܕܚܣܝܘܬܐ                       

     ܕܡܪܕܐ ܘܐܡܝܕ

         ܕܣܘܪ̈ܝܝܐ.